Ja nie pytajusia: čakałi – nie čakałi Ŭ svaim maleńkim, čyścieńkim pakoi. Skažu napierad – kab nie paprakałi, Pryjšła pazyčyć cišyni, spakoju. Spakoju na chviłinku, nie na viečnaść!.. Pryjemna pasiadzieć krychu ŭ zacišku, Adčuć ciapło i vašu čałaviečnaść, Pahavaryć, pabyć choć z vami kryšku. Ja adpačnu, bo stomlena zanadta, A vaš pakoik ad turbot chavaje, U im hučyć svavolnaja sanata – Jaje mnie viecier za aknom śpiavaje. O, jak tut cicha, dziŭnyja malunki, I strohija partrety – ŭsio ŭ maŭčańni. Ad mituśni šukała ja ratunku – Znajšła! Nie pamahaje! U adčai Znoŭ serca pačynaje majo bicca... Spakoj mnie na chviłinku, nie na viečnaść, Jakimi b ni byłi ciapło i čałaviečnaść.
|
|